«Бала мен ата-ананың эмоционалды байланысын нығайту»

Бала үшін ата-ананың махаббаты, қолдауы мен қамқорлығы — оның тұлғалық дамуының негізгі тірегі. Эмоционалды байланыс жақсы қалыптасқан отбасында бала өзін қауіпсіз сезінеді, ашық сөйлеседі және қоршаған ортамен сенімді қарым-қатынас орнатады. Баламен жиі сөйлесу, оны тыңдау, бірге уақыт өткізу - эмоционалды жақындықты арттыратын маңызды әрекеттер.

Ата-аналарға кеңес: 

1. Баланы тыңдай біліңіз

Бала сөйлеген кезде оның сөзін бөлмей, мұқият тыңдаңыз.
 Бұл балаға өзінің маңызды екенін сезіндіреді.

Мысалы:
 – «Сенің көңіл-күйің қандай?»
 – «Бүгін не ұнады?»

2. Күн сайын жылы сөз айтыңыз

Балаға мейірімді сөздер айту оның өзіне деген сенімін арттырады.

Жылы сөздер:

• «Мен сені жақсы көремін» 
• «Сен ақылдысың» 
• «Жарайсың!» 
• «Мен саған сенемін» 

3. Бірге уақыт өткізіңіз

Күнделікті кемінде 20–30 минутты тек балаға арнауға тырысыңыз.

Бірге жасауға болады:

• кітап оқу; 
• сурет салу; 
• ертегі құрастыру; 
• серуендеу; 
• үстел ойындарын ойнау. 

4. Баланың сезімін қабылдаңыз

Бала ренжісе немесе ашуланса, оны ұрыспай, сезімін түсінуге тырысыңыз.

Мысалы:
 – «Сен ренжіп тұрсың ба?»
 – «Сені түсінемін.»

Бұл балаға эмоциясын дұрыс жеткізуге көмектеседі.

5. Баланы басқа балалармен салыстырмаңыз

Салыстыру баланың өзіне деген сенімін төмендетеді.
 Әр баланың қабілеті мен дамуы әртүрлі екенін есте сақтаңыз.

Педагог-психологтан ұсыныс:

«Құшақтау минуты»

Күніне бірнеше рет баланы құшақтау оның эмоционалды тұрақтылығын арттырады.

«Көңіл-күй шеңбері»

Балаға түрлі эмоцияларды сурет арқылы көрсетіп, бүгінгі көңіл-күйін таңдауды ұсыныңыз.

«Отбасылық дәстүр»

Аптасына бір рет отбасылық кеш ұйымдастырып, бірге уақыт өткізу.

«Мен сені тыңдаймын»

Күннің соңында балаға өз ойын еркін айтуға мүмкіндік беру.

Эмоционалды байланыс — баланың бақытты әрі сенімді тұлға болып қалыптасуының негізі.
 Ата-ананың мейірімі, түсіністігі мен қолдауы баланың психологиялық дамуына оң әсер етеді.

Балаға берілген махаббат — оның болашағына салынған ең үлкен инвестиция.